مــــــواقــــع للزيارة

نصــوص شـعريــــــة

أَنا وْعَمْتي أَمينة

شارة مسلسل: " أنا وعمتي أمينة"

عمري يللي مَـرّ قبالي                      عشته لحالي

عم انطر تَ تطلو عليي                     ويهـدا بالي

أهـلي إنتو ورح بتضلّو                     الحب الغالي

إنتو أهـلي ومحـبتكون                     كنزي ومالي

رح بعطيكون

تَ إرضيكون

م محبتكون يللي فيكـون

وانتو رح تعطو أهاليكون

لـو عَ دروب الكِلّْ بتزرعْ                كام حَبّة من حُبَّكْ

رَح بتلاقـي الحب بـيرجَعْ                ويـزَهّـِر بقلبكْ

وكل ما بتعطي كل ما بيلمعْ                 نجم الحب بدربكْ

ومحبـِّـة هالناس بتِشْـفَعْ                لك، وبتغفر ذنبكْ

باخد منكون

تَ أعطيكون

من كنز محبة يكفّيكـون

وانتو رح تعطو أهاليكون

يا كنوز المحــبة   عطـينا                 مهما عطيتي ما بيكفينا

خلّي محـبِّتنـا تِغْـنينـا                  مال الدنية ما بيِعْـنينا

27 حزيران 2003 - دمشق

الهُروبُ إلى القِمَّة

شارة مسلسل: " الهروب إلى القمة"

مِ العتم ال بقلوب الناس، مِ الطيب اللي انطفا

بطلِّع ضَـو يشَعْشِع نور؛ بشعِّل شمـعة وفـا

بعِـزّ البرد، بقلب التلج، ولمّــا يعزّ الغَـفا

نـار الإخـلاص بتحميني، بيملى بيـتي دفا

هيـهات يا هالقـلب عـيني يا البنية

مكتوب؛ وحكم القدر تبقي العمـر ليّا

تارك وصيِّـة وأمـل أمانة صبي وبنية

وانتِ ياورد الوفــا انت الأمانة حيّة

لمّــا الريح بتِغْزُل بـرّا، قصّـة غدر وجفا

وتِـتـْغَبَّر طرقات النـاس، بيبقى دربي صَفا

بإيماني بالحـب الصادق؛ لأ، .. لسه ما اختفى

وإنو القلب الطيب لسه من الطيبة ما اكتفى

8 كانون الأول 2002 - دمشق